Blog

အရောင်းသမားတိုင်းသိထားသင့်တဲ့ မေးခွန်းမေးနည်းများ

Art of Questioning
Business / Sales

အရောင်းသမားတိုင်းသိထားသင့်တဲ့ မေးခွန်းမေးနည်းများ

စကားဝိုင်းတစ်ခု ကိုထိန်းချုပ်ဖို့၊ ဉီးဆောင်နိုင်ဖို့ ဆိုတာ မေးခွန်းများများမေးတတ်ဖို့လိုပါတယ်။

အရောင်းသမားတွေအနေနဲ့ လည်း မေးခွန်းတွေ မေးမကြည့်ဘူးဆိုရင် ၀ယ်သူတွေရဲ့ လိုအပ်ချက်၊ လိုအင် ကိုလည်းမသိနိုင်ပါဘူး။ ဒါပေမယ့် စနစ်တကျ မှန်မှန်ကန်ကန်နဲ့ ထိထိရောက်ရောက် မေးတတ်ဖို့လည်း လိုပါတယ်။ ယေဘုယျအားဖြင့် တော့ open question နဲ့ close question ဆိုပြီးရှိပါတယ်။  ဒီနေရာမှာတော့ ထိရောက်တဲ့ မေးခွန်းကိုဘယ်လိုမေးမလဲဆိုတာကိုဆွေးနွေးပေးသွားချင်ပါတယ်။

၁) Leading question (နိမိတ်ပြမေးခွန်း)

ကျွန်တော်တို့က ကိုယ်ရောင်းတဲ့ ပစ္စည်းကိုစိတ်၀င်စားလာစေဖို့ ၀ယ်သူကို ဦးဆောင် ခေါ်သွားနိုင်အောင် မေးတာမျိုးဖြစ်ပါတယ်။

ဥပမာ− သင်တန်းကျောင်းဆိုပါတော့ဗျာ။ အကို့ အနေနဲ့ လုပ်ငန်းမှာရောင်းအားတက်ဖို့ ကိုယ့်၀န်ထမ်းတွေကို training ပေးချင်တာမျိုးလားခင်ဗျာ ဆိုတာမျိုးပေါ့။ သူ့ရဲ့ စိတ်၀င်စားမှုကိုဆွဲခေါ်သွားတာပါ။

 

၂) Opinion-gathering questions (ထင်မြင်ချက်ကိုမေးတာပါ)

ဒီမေးခွန်းပုံကိုတော့ ကျွန်တော်တို့က ကိုယ်ရောင်းတဲ့ ပစ္စည်းကို ၀ယ်သူက ဘယ်လိုမြင်နေလဲ၊ သူ့ရဲ့ ခံစားချက်ကို  သိရအောင် မေးတာပါ။ ၀ယ်သူတွေရဲ့ ထင်မြင်ချက် ယူဆချက်ကိုသိတဲ့ အခါကတော့ ကိုယ်ကဘယ်ပုံစံမျိုးနဲ့ ရှင်းပြရမယ်ဆိုတာကိုသိသွားမှာပါ။

ဥပမာ − ၀ယ်သူတစ်ယောက်က ကိုယ့်ရောင်းတဲ့ပစ္စည်းကို မ၀ယ်သေးဘူးငြင်းလိုက်မယ်ဆိုရင် ဘာများအဆင်မပြေတာရှိလို့များလဲခင်ဗျာ။ ဈေးနှုန်းနဲ့ ပတ်သက်ပြီးတော့များအဆင်မပြေဘူးထင်လို့လား? စသဖြင့်ပေါ့။ ဒီလိုမျိုး သူရဲ့ ထင်မြင်ယူဆချက်ကိုသိတဲ့အခါ ပြေလည်သွားအောင်ရှင်းပြပေးလို့လည်းရတာပေါ့။

 

၃) Confirmation questions (နားလည်လား မသိဘူးဆိုတဲ့ သဘောမျိုးမေးတာပါ)

အရောင်းသမားတွေအနေနဲ့ sale presentation လုပ်တဲ့ အခါမျိုးမှာ ကိုယ်ပြောနေတာတွေကို နားထောင်နေသူတွေအနေနဲ့ နားလည်နေရဲ့ လားဆိုတာမျိုးကို အတည်ပြုမေးတာပါ။ တစ်ခါတစ်လေမှာ ကျွန်တော်တို့က ကိုယ်ပြောချင်တာတွေကိုပဲ ပြောသွားပြီ တစ်ပါးသူ နားထောင်နေရဲ့ လား၊ နားလည်ရဲ့ လားဆိုတာ မေးဖို့မေ့နေတတ်ပါတယ်။

ဥပမာ − ကျွန်တော်အကြံပေးတာနဲ့ ပတ်သက်ပြီး သဘောကျရဲ့ လားခင်ဗျာ၊ နားလည်ရဲ့ လားခင်ဗျာ၊ အခြားဘာကို များအသေးစိတ်သိချင် သေးသလဲခင်ဗျာ ဆိုတာမျိုးကို မေးခြင်းအားဖြင့် ကိုယ်ရဲ့ presentation ကို သူသေချာနားထောင်နေရဲ့လား၊ သူသိချင်တာတွေ မရှင်းလင်းဖြစ်နေလားဆိုတာကိုသိနိုင်ပါတယ်။

 

၄) Clarification questions (ပြန်ရှင်းလင်းအောင်မေးတာ)

တစ်ခါတစ်လေကျတော့ ၀ယ်သူတွေက ပြောချင်တာကို တိုက်ရိုက်မပြောတာတဲ့ အခါ၊ အရောင်းသမားအနေနဲ့လည်း ၀ယ်သူပြောချင်တာကို ကောင်းကောင်းနားမလည်တဲ့အခါ ပြန်ရှင်းလင်းအောင် မေးသင့်ပါတယ်။ နားမလည်တဲ့အခါကြတော့ အောင်မြင်တဲ့ အရောင်းတစ်ခုကို ပြုလုပ်နိုင်မှာမဟုတ်ပါဘူး။

ဥပမာ− ၀ယ်သူက ကျွန်တော်က အများကြီး၀ယ်မှာလေဈေးလျှော့ပေးပါဦး ဒီလိုပြောလာခဲ့ရင် ဟုတ်ကဲ့ အများကြီး၀ယ်မယ်ဆိုတာ အရေအတွက်ဘယ်လောက် လောက်ကို ၀ယ်မယ်ပြောချင်တာလဲခင်ဗျာ ဆိုတာမျိုးပေါ့။

 

၅) Information−gathering questions (ဝယ်သူဆီက information သိရအောင်လုပ်တာပါ)

 

ကိုယ့်ဝယ်သူဆီကနေ information ကို သိအောင်လုပ်တာပါ။ သူက ဘာကို စိတ်၀င်စားနေတာလဲ၊ သူ့လုပ်ငန်းအတွက် ဘယ်လိုကုန်ပစ္စည်းမျိုး လိုအပ်နေတာလဲဆိုတာကိုသိရအောင်မေးတာပါ။

ဥပမာ − Laptop ရောင်းတယ်ဆိုပါတော့ ဗျာ၊ သူကိုယ်ပိုင်သုံးဖို့၀ယ်တာလား၊ သူ့အလုပ်က ၀ယ်ခိုင်းလိုက်လို့ဝယ်တာလား။ သူကိုယ်ပိုင်သုံးဖို့အတွက်ဆို သူက ဘယ်ဈေးနှုန်းလောက်ထဲ ကကြည့်ချင်တာလဲ၊ လုပ်ငန်းအတွက်ဆိုလည်း ဘယ်လိုလုပ်ငန်းအမျိုးအစားမျိုးလည်းစသည်ဖြင့်ပေါ့။ ဒါမှ သူနဲ့ကိုက်ညီတဲ့ ကုန်ပစ္စည်းကို အကြံပေးပြီးရောင်းလို့ရမှာလေ။

 

၆) Statement questions

အကြောင်းအရာတစ်ခုကို ရှင်းပြပြီးတာနဲ့ မေးခွန်းမေးတာပါ။ ဒါမှလည်း စကားစက ပြတ်မသွားမှာလေ။ ရှင်းပြပြီးတာနဲ့ conversation တစ်ခု ကို အဆုံးသတ်မသွားပါစေနဲ့။ မေးခွန်းမေးပြီး ၀ယ်သူရဲ့ စိတ်၀င်စားမှု တက်လာအောင်လုပ်ရမှာဖြစ်ပါတယ်။

ဥပမာ −သင်တန်းကျောင်းဆိုပါတော့။ သင်တန်းအကြောင်းအသေးစိတ်ရှင်းပြပါ ဆိုရင် ကျွန်တော်တို့က အသေးစိတ်ရှင်းပြပေးမယ်။ ပြီးသွားရင် အကို့အနေနဲ့ ဘယ်အပိုင်းမှာလုပ်ကိုင်နေတာလဲမသိဘူးလို့ ဆက်မေးလိုက်တာမျိုးက သူ့ဆီက information ရပြီးသားလည်း ဖြစ်သွားမယ်။ rapport တစ်ခုဖန်တီးပြီး သားလည်း ဖြစ်မယ်။ သူရဲ့ အဖြေပေါ်မူတည်ပြီး ဘယ် အတန်းတက်ဖို့တော့ သင့်တော်ပါတယ်လို့ အကြံပေးလို့လည်း ရသွားမယ်။

 

၇) Inclusion questions (up selling ရောင်းချင်တဲ့ အခါမျိုးမှာငြင်းလို့လွယ်အောင်မေးတာမျိုးပါ)

အရောင်းသမားအနေနဲ့ ပိုဈေးကြီးတဲ့ ပစ္စည်းတယ်ခုကိုရောင်းချင်တဲ့ အခါမျိုးမှာ မေးတဲ့ မေးခွန်းမျိုးပါ။

ဥပမာ− စက်ပစ္စည်းရောင်းတယ်ဆိုပါတော့။ အကို က ရေရှည် သုံးမှာဆိုတော့လေ ဒါကတော့ ပိုပြီးနည်းနည်းဈေးများတယ်။ ဒါပေမယ့် အကြာကြီးသုံးလို့ရတယ် အကိုများစိတ်၀င်စားမလားလို့ပါ ဆိုတာမျိုးပေါ့။ ၀ယ်သူအနေနဲ့ သူသုံးချင်တဲ့ငွေကြေးနဲ့မကိုက်ညီတာ၊ မတတ်နိုင်သေးတာဆိုမျိုးဆို သူလည်းလွယ်လွယ်ကူကူ ငြင်းနိုင်တာပေါ့ဗျာ။ ကိုက်ညီတဲ့ အခါကြတော့လည်း ကိုယ်ပိုရောင်းရသွားတာပေါ့။ 

ဆိုတော့ အရောင်းသမားတွေအနေနဲ့ ကိုယ့်ဝယ်သူအကြောင်း၊ ကိုယ့်ထုတ်ကုန်၊ ဖြစ်နေတဲ့ အခြေအနေ၊ လိုချင်တဲ့ ရလာဒ် ပေါ်မှာ မူတည်ပြီး ဒီလိုမေးခွန်းမျိုးတွေ မေးခြင်းအားဖြင့် စကားဝိုင်းတစ်ခုမှာ ထိန်းချုပ်သူအဖြစ်နဲ့ ရောင်းအားတက်လာအောင် လုပ်နိူင်ကြဖို့ ရည်ရွယ်ပါတယ်။

 မှန်ကန်ထိရောက်တဲ့ မေးခွန်းမေးမြန်းပြီး ရောင်းချခြင်းများ အကြောင်းလေ့လာချင်တယ်ဆိုရင်တော့  Better Version မှ ဖွင့်တဲ့ သင်တန်းများ တက်ရောက်နိုင်ပါတယ်။

သင်တန်းအပ်ရန် မက်ဆေ့ သို့မဟုတ် ဖုန်း ၀၉၄၂၄၆၃၈၃၈ ၊ ၀၉၄၅၀၄၉၃၉၄၈သို့ဆက်သွယ်နိုင်ပါတယ်။ 

#Artsofquestioning

#BetterSalesman#BetterSalesStrategist

#UnlockingYourHighestPotential

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping