Blog

သင်ရောင်းတဲ့ကုန်ပစ္စည်းကို ဈေးကြီးတယ်လို့ပြောပြီး အငြင်းခံနေရပြီလား

9
Business / Sales

သင်ရောင်းတဲ့ကုန်ပစ္စည်းကို ဈေးကြီးတယ်လို့ပြောပြီး အငြင်းခံနေရပြီလား

အရောင်းသမားတွေ အနေနဲ့ အငြင်းခံရခြင်းဆိုတာဟာ ရှောင်လွှဲလို့မရပါဘူး။ 

ဒီနေရာမှာတော့ ဝယ်သူတွေ ဆီက ဈေးနှုန်းနဲ့ပတ်သက်ပြီး ဈေးကြီးတယ်လို့ ပြောပြီး ငြင်းတဲ့အခါ ဖြေရှင်းနိုင်ဖို့ နည်းလမ်း ၂ ခုကို မျှဝေပေးလိုက်ပါတယ်။

 

၁) Cost-effective alternatives

ဒီနည်းကတော့ သင်ရောင်းနေတဲ့ကုန်ပစ္စည်းမှာ အရည်အသွေးပေါ်လိုက်ပြီး ဈေးနှုန်း ကွာခြားတာမျိုးရှိနေတဲ့ အခါမှာသုံးလို့ရပါတယ်။ သင့်အနေနဲ့ ဝယ်သူတစ်ယောက်က ဈေးလာမေးတဲ့အခါ အရည်အသွေး အကောင်းဆုံးနဲ့ ဈေး အများဆုံးကို ရောင်းချင်လို့ ပြပေးလိုက်တယ်။ ဒါပေမယ့်ဒါက ဝယ်သူ တတ်နိုင်တဲ့ဈေးထက်များနေလို့ ငြင်းတဲ့အခါမျိုးဆိုရင် ဒီနည်း သုံးပြီး ဖြေရှင်းလို့ရပါတယ်။

 ဥပမာ − laptop ရောင်းတယ်ဆိုပါစို့။ ဝယ်သူတစ်ယောက် က quality ကောင်းတာထဲက ပြပေးပါလို့ပြောလို့ သင်က quality ကောင်း၊ ဈေးကောင်းတဲ့ဟာ တစ်ခုကို ပြပေးလိုက်တယ်။ ဝယ်သူနဲ့စကားတွေ ပြောမယ်၊ မေးခွန်းတွေ မေးခြင်းအားဖြင့် သူက လုပ်ငန်းမှာ စာရင်းအင်းနဲ့ပတ်သက်ပြီး သုံးဖို့ လောက်ပဲ ဒီ laptop ကိုလိုတယ်ဆိုတာ သင်သိသွားပြီ။ ဝယ်သူကလည်း ဒီ laptop ကအရည်အသွေးကောင်းပင်မယ့် သူ့အတွက်ဈေးနည်းနည်း များနေလို့ ဆိုပြီး ဝယ်ဖို့ ငြင်းနေပြီ။ ဒါဆိုရင်သင်က ဒီ ပစ္စည်းထက်ဈေးနည်းနည်း ပိုသက်သာ မယ် သူလိုချင်တဲ့ အနေအထား နဲ့လည်း ကိုက်ညီတဲ့ အခြား ထုတ်ကုန်တစ်ခု ကို ပြောပြပေးလို့ရတာပေါ့။ အကို ရေ ဒီအလုံးက တော့ခုန ဟာထက် ဈေးက ၃၀% လောက် ပိုသက်သာတယ်။ အရည်အသွေး ပိုင်းအနေနဲ့ ခုနအလုံးလောက် မော်ဒယ်မမြင့် ပင်မယ့် အကို စာရင်းအင်းအတွက်လောက် ပဲသုံးချင်တာဆိုရင်တော့ ကောင်းကောင်းအဆင်ပြေတယ် ဆိုတာမျိုးပေါ့။ ဒါဆို ဝယ်သူသုံးချင်တဲ့ ငွေကြေးနဲ့လည်းကိုက်ညီမယ် သူလိုချင်တဲ့ function နဲ့လည်းကိုက်ညီမယ်ဆိုရင် အရောင်းရသွားတာပေါ့။

 

၂) Eliminate hidden costs

နောက်တစ်ခု ကတော့ ဝယ်သူတစ်ယောက် ကပြောမယ် ဟိုဘက်ဆိုင်မှာတော့ ဒီပစ္စည်းကို ၂ သိန်းနဲ့တွေ့လာတယ်။ ထားပါတော့။ မင်းတို့ဆီမှာတော့ ၂ သိန်း ၂ သောင်းဖြစ်နေတယ်။  ၂ သောင်းလောက်များနေတာဘဲ။ ဒါဆိုရင် ဘယ်လိုပြန်ဖြေရှင်းကြမလဲ။ ဆိုတော့ ကျွန်တော် အရှေ့က blog တွေ မှာပြောခဲ့သလိုပဲ အရောင်းသမားတွေ အနေနဲ့ အရေးကြီးတဲ့ အချက်က သင်ရောင်းတဲ့ကုန်ပစ္စည်း အကြောင်းရယ်၊ သင့်ပြိုင်ဘက် တွေ နဲ့ ဈေးကွက် အနေအထားရယ်ကို သိအောင် လုပ်ထားရမှာ ဖြစ်ပါတယ်။

 ဒီလို မျိုးအခြေအနေ ကြုံ့တွေ့ လာရတဲ့အခါ အရောင်း သမားအနေနဲ့က ဈေးကွက် အကြောင်း၊ ကုန်ပစ္စည်းအကြောင်းကို နားလည်းထားတဲ့သူဆိုရင် သင်ရောင်းနေတဲ့ ကုန်ပစ္စည်းက ဘာအားသာလဲ။ အခြားကုန်ပစ္စည်းတွေ ရဲ့ဈေးနည်းရခြင်း အကြောင်းရင်းကဘာလဲဆိုတာကိုသိနေတာပေါ့။  ဥပမာ −သင်ရောင်းတဲ့ ကုန်ပစ္စည်းမှာက delivery service ကအားသာချက်ဖြစ်နေရင်− ဟုတ်ပါတယ် ဈေးနှုန်း အနေနဲ့ များနေနိုင်ပါတယ်။ အိမ်တိုင်ရာရောက် ပို့ပေးမယ့် ဝန်ဆောင်မှု ရယ်၊ တစ်နှစ်အတွင်း ပျက်တာ မျိုးဆို အခမဲ့ ပြင်ဆင်ပေးတာမျိုး တွေရှိပါတယ် ခင်ဗျာ။ ဒီလို အပိုဆောင်း ဝန်ဆောင်မှုတွေနဲ့ လူကြီးမင်း ထည့်ပြီး ယှဉ်ကြည့်မယ်ဆိုရင် ကျွန်တော်တို့ ပစ္စည်းက ဈေးနှုန်း တစ်ခု ထဲပိုများနေတယ် ဆိုတာမျိုးမဟုတ်ပါဘူး ဆိုပြီး ဝယ်သူ ကိုယ့်ကုန်ပစ္စည်းရဲ့ အားသာချက်ကိုမြင်သွား အောင် ပြောပြပြီး အရောင်းပိတ်နိုင်အောင် ကြိုးစားလို့ရပါတယ်။  

 ဒါလေးတွေက အရောင်းသမားတွေ အနေနဲ့ ကိုယ်ရောင်းတဲ့ ထုတ်ကုန်ရယ် ဝယ်သူတွေရဲ့ အခြေအနေပေါ်မှာ မူတည်ပြီး တော့ ဈေးများတယ် ပြောပြီး အငြင်းခံရတဲ့အခါ ဖြေရှင်းလို့ရတဲ့ အခြေခံနည်းလမ်း ၂ ခု ပဲဖြစ်ပါတယ်။

 

#BetterVersion #MakeYourProgress #HandlePriceRejection

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping