Blog

ရောင်းအားတက်စေမယ့် နည်းလမ်း ၂ မျိုး

6
Sales

ရောင်းအားတက်စေမယ့် နည်းလမ်း ၂ မျိုး

ထိပ်တန်းအရောင်းသမားဖြစ်ဖို့ သိထားသင့်တဲ့အချက်တွေထဲမှာ ကိုယ့်ရဲ့ ရောင်းအားတွေ တက်လာစေဖို့ ဘယ်လို လုပ်သင့်လဲဆိုတဲ့ အချက်ကလည်း တစ်ခုအပါအဝင် ပါပဲ။

အရောင်းသမားတစ်ယောက် အနေနဲ့ အောင်အောင်မြင်မြင်လည်းအရောင်းပိတ်တတ်နေပြီ၊ ဝယ်သူတွေရဲ့ ငြင်းပယ်ချက်တွေကိုလည်း ကောင်းကောင်း ကျော်လွှားနိုင်ပြီ ဆိုရင် ဒီတစ်ခါမှာတော့ sales volume တက်လာအောင် လုပ်သင့်တဲ့ အချက် ၂ ချက်ကိုဆွေးနွေးပေးချင်ပါတယ်။

၁) Upselling

Upselling ဆိုတာကတော့ ပစ္စည်းတူ၊ အမျိုးအစား တူပြီး ဈေးနည်းနည်းပိုများ သွားတဲ့ ကုန်ပစ္စည်းကို ဝယ်သူကို အကြံပေးပြီး ရောင်းတာပါ။ အများကြီးဈေးကွာတဲ့ အခြား product ကိုရောင်းတာမျိုး မဟုတ်ပါဘူး။
ဥပမာ – ဘောင်းဘီသွားဝယ်တယ်ဆိုပါတော့ ဈေးကတော့ ၁ သိန်း ကျွန်တော်ကြိုက်တယ် ယူမယ်ဆိုပြီး တစ်ထည် ရွေးလိုက်မယ်ဗျာ အဲ့ဒါအခါမှာ အရောင်းသမားက အကိုရေ ဒီဘောင်းဘီကတော့ လေ ဈေးကတော့ ၁ သိန်း ၂ သောင်းဗျ brand ကတော့ တူတူပါပဲ။ ဒါပေမယ့် ဒါကတော့ နောက်ဆုံးပေါ် မော်ဒယ် ဗျ အသားကလည်း ဆွဲသားဆိုတော့ ဝတ်ရတာလည်း ပိုပြီး သက်တောင့် သက်သာရှိတာပေါ့ဗျာ အကို များစိတ်ဝင်စားမလားလို့ပါ ခင်ဗျာ ။ ဒီလို ပြောလိုက်တဲ့အခါကြတော့ ကျွန်တော့်အနေနဲ့ လည်း အင်းအဲ့ဒါဆို ဈေးကလည်း အရမ်းမကွာတော့ ဒီနောက်ဆုံးပေါ်ဆိုတာလေးယူမယ် ဆိုပြီးယူလိုက်တယ်။ ဒါဆို ဒီအရောင်းသမားအနေနဲ့ က sale volume 20 ရာခိုင်နှုန်းလောက် တက်သွားတယ်ဗျာ။ဒါ့ကြောင့် ကျွန်တော်တို့ က ဒီလို brand တူပြီး ဈေးနည်းနည်းပဲ ပိုများတဲ့အရာကို အကြံပေးပြီးရောင်းတာကို upselling လုပ်တယ်လို့ခေါ်ပါတယ်။

၂) Cross-Selling

Cross-Selling ဆိုတာက တော့ customer လာဝယ်တဲ့ ပစ္စည်းပေါ်မှာ မူတည်ပြီးတော့ ချိတ်ဆက်ပြီးသုံးလို့ရမယ့် ပစ္စည်းတစ်ခုခုကို အကြံပေးပြီး တွဲရောင်းတာကို ခေါ်တာပါ။
ဥပမာ – ဘောင်းဘီ သွားဝယ်တယ်ဗျာ ဝယ်ပြီးတဲ့အခါကြတော့ အရောင်းသမား က အကိုရေ ဒီဘောင်းဘီနဲ့ဆိုရင် ဒီ latest ထွက်တဲ့ ခါးပါတ်ကလေ တအားလိုက်တယ် တော်တော်များများက လည်း ဒီ ဘောင်းဘီမျိုးဝယ်တိုင်း ဒါလေးကိုတော့တွဲ ယူလေ့ရှိတယ်။ လိုက်ဖက်တော့လေ ဆိုပြီးတော့ကိုယ်သွားဝယ်တဲ့ ပစ္စည်းနဲ့ ချိတ်ဆက်သုံးနိုင်တာကို recommend ပေးပြီး ထပ်ရောင်းတာတဲ့ နည်းမျိုးကို cross-selling လို့ခေါ်ပါတယ်။ နောက်ထပ် ဥပမာပေးရမယ်ဆိုရင် make up သွားဝယ်တဲ့ အခါမျိုးမှာ eye shadow ထပ်ရောင်းတာမျိုး၊ eye liner ထည့်ရောင်းတာမျိုးပေါ့။ လာဝယ်တဲ့ပစ္စည်းပေါ်မှာ မူတည်ပြီးတွဲသုံးလို့သင့်တော်တဲ့ ပစ္စည်းကို အကြံပေးပြီး ရောင်းတာကို cross-selling လို့ခေါ်ပါတယ်။

ဒါ့ကြောင့် အရောင်းသမားတွေ အနေနဲ့ customer တစ်ယောက်ချင်းစီတိုင်းမှာ upselling နဲ့ crossing ကိုသေချာလုပ်မယ်ဆိုရင် အတိုင်းအတာ တစ်ခုထိ အရောင်းတွေတက်လာမှာ သေချာပါတယ်။

ဒါပေမယ့် ဒီလို မျိုး upselling, crossing လုပ်မယ်ဆိုတိုင်းလည်း ထည့်သွင်းစဉ်းစားသင့်တဲ့ လိုက်နာသင့်တဲ့ အချက်တွေလည်းရှိပါသေးတယ်။ ဒါ‌တွေကို သိထားတဲ့အခါကြတော့ အရောင်းသမားတွေအနေနဲ့ ဘယ်အချိန်မှာ upselling, cross-selling လုပ်ဖို့လိုပြီ၊ ဘယ်လိုနည်းမျိုးကို တော့သုံးသင့်တယ် ဆိုတာကို သိသွားမယ်ဆိုရင် ပိုမိုအောင်မြင်တဲ့ ရလာဒ်တွေ ကို ဖန်တီးနိုင်မှာပါ။

၁) ပထမ ဝယ်တဲ့ပစ္စည်းကို အရင်ရောင်းပါ

ပြောချင်တာကတော့ Customer အရင်ဆုံး လာဝယ်တဲ့ ပစ္စည်းကို ပြီးအောင် အရင်ဆုံး ရောင်း ရမှာပါ။ ကိုယ့် ရဲ့ ဝယ်သူက ပထမဆုံး ပစ္စည်းတစ်ခု ကို ဝယ်မယ်လို့ မဆုံးဖြတ်ရသေးခင် အခြားပစ္စည်းတွေကို သွားပြရင် သူအနေနဲ့ ဝေဝါးပြီး ဘာကို ဝယ်လို့ ဝယ်ရမှန်း မသိ ဖြစ်သွားတာမျိုးတွေ ဖြစ်တတ်ပါတယ်။ အဲ့ဒီ လိုမျိုးမဖြစ်ရအောင် ကျွန်တော်တို့က ပထမဆုံး သူလာဝယ်တဲ့ ပစ္စည်း အရင် confirm ဖြစ်အောင် ရောင်းမယ်။ သူ ဒီပစ္စည်းကို ဝယ်မယ်သေချာသွားပြီ ဆိုတဲ့ အခါ ကျတော့မှ ကိုယ်ရောင်းချင်တဲ့ ပစ္စည်းကို အကြံပေးပြီး ရောင်းရမှာပါ။ ဒါကတော့ upselling မှာပဲ ဖြစ်ဖြစ် cross-selling မှာပဲဖြစ်ဖြစ်လိုက်နာရမယ့် အချက် ဖြစ်ပါတယ်။

၂) ဆက်စပ်တဲ့ product ကိုပဲရောင်းပါ

ဒီနေရာမှာတော့ ကျွန်တော်တို့ က customer ဝယ်တဲ့ ပစ္စည်းနဲ့ ဆက်စပ်တဲ့ product ကိုပဲ အကြံပေးပြီးရောင်းသင့်ပါတယ်။ ဥပမာ – ဘောင်းဘီလာဝယ်တာကို ခါးပတ်ရောင်းတာမျိုး ကတော့ တွဲဖက်ရောင်းလို့ အဆင်ပြေပေမယ့် ဦးထုပ်ရောင်းမယ်ဆိုရင်တော့ အဆင်မပြေပါဘူး။ သူ့အနေနဲ့လည်း သူဝယ်တဲ့ ပစ္စည်းနဲ့ တစ်ခြားဆီ ဖြစ်နေတဲ့ product ဖြစ်နေတဲ့ အတွက်စိတ်ဝင်စားမှု လည်းနည်းပါတယ်။ ဒါ့ကြောင့်ကျွန်တော်တို့ က customer အနေနဲ့ သူဝယ်တဲ့ပစ္စည်းနဲ့ တွဲစပ်လို့ရတဲ့ item မျိုးကိုပဲ ရောင်းသင့်ပါတယ်။

၃) အကြံပေးတဲ့ပုံနဲ့ပဲရောင်းပါ

နောက်တစ်ခု က အရောင်းသမားတွေအနေနဲ့ customer ကိုပြောတဲ့အခါ မှာလည်း အကြံပေးတဲ့ ပုံစံမျိုးနဲ့ရောင်းဖို့လိုပါတယ်။ ဒါလေးနဲ့ဆို ပိုအဆင်ပြေသွားမယ်၊ ဒါနဲ့တွဲလိုက်ရင် ပိုအဆင်ပြေသွားမယ် စသည်ဖြင့် ပေါ့။ ဒါကို ဝယ်မှ အဆင်ပြေမှာနော်ဆိုပြီး အတင်း push မလုပ်သင့်ပါဘူး။ အဲ့ဒီလို သူငြင်းရတာခက်အောင် လုပ်လိုက်တဲ့အခါကြတော့ သူသုံးမယ်လို့ စဉ်စားထားတဲ့ budget ထက်ကျော်နေတဲ့အခါမျိုး ဆိုရင် မဝယ်တော့တာမျိုးတွေ ဖြစ်တတ်ပါတယ်။ ဒါ့ကြောင့် အရောင်းသမားတွေအနေနဲ့ ဒီလိုမဖြစ်အောင် အစထဲက အကြံပေးတဲ့ ပုံစံမျိုး ပြောမယ်ဆိုရင် သူ့ budget ထက်ကျော်နေတဲ့ ပစ္စည်းမျိုးဆို လွယ်လွယ်ကူကူငြင်းမယ်၊ သူတတ်နိုင်တဲ့ ပမာဏလည်းဖြစ်မယ်၊ သူလည်းကြိုက်မယ်ဆိုရင် ကိုယ်ပိုရောင်းရသွားတာပေါ့။

ဒါတွေကတော့ sale volume တက်ဖို့ ကြိုးစားနေတဲ့ အရောင်းသမားတွေအနေနဲ့ စဉ်းစားသင့်တဲ့ ၊ လုပ်သင့်တဲ့ အချက်တွေဖြစ်ပါတယ်။

ကျွန်တော်တို့ Better Sales Mastery Series ရဲ့ သင်တန်းတစ်ခု ဖြစ်တဲ့ Better Salesman_online course မှာတော့ Ways to Increase Sales Volume ကို သင်ခန်းစာတစ်ခု အနေနဲ့ သင်ပါတယ်။

အရောင်းနဲ့ပတ်သတ်တဲ့ ဗဟုသုတတွေဖတ်ရှု့ချင်ရင်တော့ ကျွန်တော်တို့ Better Version Website မှာအချိန်မရွေး ဖတ်ရှု့ လေ့လာနိုင်ပါတယ်။

အရောင်းပိုင်းနဲ့ ဆိုင်တဲ့ သင်တန်းများ စုံစမ်းချင်တယ်ဆိုရင် မက်ဆေ့မှ တစ်ဆင့် စုံစမ်းနိုင်ပါတယ်။

#WaysToIncreaseSalesVolume #BetterVersion
#BetterSalesStrategist #MakeYourProgress
#BetterSalesman

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping